終於除口罩！粉刺坦蕩蕩，徵求去黑頭深層清潔急救法！－verniania's beauty place

Finally，可以唔洗再戴口罩啦，3年以嚟嘅口罩日子唔好再返嚟啦！之不過，有一件事令我好擔心，就係口罩肌問題仲未好好解決，以前諗住有口罩可以遮住D黑頭、粉刺，但而家成個士多啤梨鼻咁真係好肉酸，就算化妝都好，唔洗一個上畫就浮哂粉，粗大嘅毛孔真係好醜呀。點搞?真係要求大神賜我良方啦！

凡士林去黑頭深層清潔真係有妙計？

一心想去黑頭深層清潔嘅我，第一件事就上網睇下有無咩日常護理先，比我搵到一個小紅書瘋傳嘅凡士林去黑頭方法，咁啱屋企又有凡士林，所以就順利成章咁試下啦，反正又好易就可以做到。

凡士林去黑頭深層清潔DIY方法好簡單，洗完面之後用熱毛巾敷面幫助打開毛孔，然後將凡士林後搽喺有黑頭、粉刺嘅地方，再用保鮮熱包住搽咗凡士林嘅位置，最後再用毛巾熱敷，咁就可以有軟化角質嘅效果，大約30mins之後用棉花棒輕推，咁就可以清走黑頭、粉刺。

呢個方法我試咗幾次，係有少少嘢推咗出嚟，不過我唔知道個d 其實係唔係殘留嘅凡士林呢？總係覺得好油，所以呢個方法真心唔建議油性皮膚嘅人去試。而且毛孔依然有d大，如果敷完之後又無徹底清潔，咁就反而塞住毛孔，所以之後我再無試呢個方法啦。

終於比我搵到真。去黑頭深層清潔急救法！

自己做去黑頭深層清潔其實係有D難度，始終都無去美容院做機咁徹底，咁所以我又假手於人，去咗做污糟水facial呀。係咩嚟？其實佢係好受大家愛戴嘅Iskinix去黑頭深層清潔科技，只係做一次就有補濕、保水、收毛孔、嫩膚、緊緻去紋作用，聽上去係咪幾唔錯先？

Iskinix係一部結合咗毛孔水療、鑽石微雕、雙極射頻、真空吸力射頻、活性紅光修護5個科技嘅儀器，佢最特別嘅地方就係部機係會一邊做一邊有水出，而個D就係幫你清哂毛孔d頑固黑頭、粉刺、油脂嘅污糟嘢，望住支水黃黃地就真係有D爽，因為代表即時睇到清毛孔個效果，感覺上毛孔乾淨哂，仲好似無咁明顯粗大，開心哂呀！