夏天一到，相信唔少女生為咗粗大毛孔感到困擾，但係無論用咩保養品都好，收毛孔效果都唔係太理想，其實有可能係因為無針對自己嘅毛孔類型做保養。想對症下藥，必須先要了解毛孔粗大嘅原因！
4個毛孔類型即check！
其實有時候唔係保養品無效、而係你自己根本搞錯保養重點！今日就要從「毛孔類型」入手，對症下藥之後有助塑造零毛孔嫩肌。
類型1：油脂型毛孔
出油量大嘅油性肌膚大多數都有毛孔粗大嘅問題，油脂分泌太多、再加上清潔不當，除咗令毛孔堵塞而越變越大之外、亦都導致黑頭、粉刺等問題。屬於呢個類型嘅話，就要敷深層清潔面膜與定期去角質來保持毛孔暢通，毛孔就會細D 啦~
類型2：缺水型毛孔
過度曬太陽、又或者無做好防曬，造成肌膚因為缺水而出油，就會導致毛孔粗大問題，甚至導致粉刺！其實只要加強保濕、平時多注意防曬，就可以改善毛孔粗大。
類型3：老化型毛孔
平常卸妝唔乾淨會令肌膚衰老，毛孔就會變粗，通常呢類型毛孔都會喺臉頰呈現偏長嘅水滴型，要改善嘅話，除咗基本清潔之外，最好方法就係特別加強修護。
類型4：疤痕型毛孔
如果生痘痘個時，手多多亂擠又無做好保養，皮膚受傷導致毛孔變大，就係疤痕型毛孔，毛孔通常都已經變付成凹凸洞，最好方法就係透過醫美去修復肌膚，讓毛孔重回緊實。
收細毛孔要點做？
1.認真做好每日卸妝和清潔工作
毛孔會被長時間無清除乾淨嘅皮脂及污垢而被撐大，呢個時間深層清潔及去角質工作好重要，唔單止可以清除肌膚表面嘅老化角質，深層清潔都可以控制皮脂嘅分泌，徹底清除深層嘅隱藏污垢，減少毛細孔阻塞而被撐大嘅情況。
2.濕敷精華
洗臉後可將保濕精華倒喺化妝棉上濕敷於毛孔粗大嘅部位，可以做到收斂毛孔效果。
3.良好生活習慣
唔好食煙酗酒，少熬夜，多吃生鮮水果蔬菜，多喝水等等，都可以使身體保持在良好狀態，肌膚自然都變得更加好。
#收毛孔 #毛孔粗大
留言列表
